Wêreldwyd se Wêreldgids is so eg Suid-Afrikaans soos Creme Soda en NikNaks. Op die Wêreldgids kan Suid-Afrikaners in die buiteland uitvind waar hulle al hul Suid-Afrikaanse gunstelinge kan kry – van Afrikaanse kerke en dokters tot prokureurs en haarkappers.

Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te skep. Kleinsakeondernemings kan Wêreldwyd se gratis diens in die buiteland geniet en self hul ondernemings op die interaktiewe gids lys. Sodoende raak hulle deel van hierdie wonderlike netwerkgeleentheid!

Hierdie maand fokus ons op ondernemings in Nieu-Seeland wat jy kan ondersteun.

Kiwibraai

Kiwibraai Ltd. voer reeds vir langer as tien jaar braaiers vanaf Suid-Afrika in en versprei dit dwarsdeur Nieu-Seeland. Met ’n Kiwibraai kan jy kos maak met houtskool of droë hout en dit kan maklik in ’n buite-vuurmaakplek omskep word. LEES MEER.

Swartkat

Aanlyn verkope van Suid-Afrikaanse goedere. Ons is twee susters van Port Elizabeth. Een van ons woon in Auckland en met ons gekombineerde agtergrond van mode en argitektuur het ons ’n aanlyn winkel begin. Ons weet daar is ander lekker mense wat oorsee woon, wat baie daarvan sal hou om iets te koop wat hulle aan die Saffa-humor en hul tuisland laat dink. LEES MEER.

Lenie Senekal – Estate Agent

Eiendomsagent by LJ Hooker in Cambridge, Nieu-Seeland. LEES MEER.

Monica Winder Photography

Fotograaf vir troues en portretfotografie. Ek is in Wellington, Nieu-Seeland gebaseer, maar kan reis. LEES MEER.

The Regal Shortbread Co.

Kreatiewe, weelderige gebak, lekkernye en heerlike konkoksies. LEES MEER.