AfriForum het sy #AnkerdorpPadskou op 2 Mei 2019 in George afgeskop. Die George-tak was die eerste van AfriForum se aktiewe takke om die gehalte van hul dorp se drink- en rioolwater te toets as deel van diè padskou se verskeie aktiwiteite

AfriForum se #AnkerdorpPadskou is ’n veldtog waartydens hoop in dorpe landwyd geskep word deur verskeie gemeenskapsaksies, wat ’n positiewe verskil maak, deur die jaar aan te pak. Ons maak waterlekke reg, vul slaggate, verf paaie, rig padtekens op, takel munisipale probleme, besoek skole, ondernemings en gesondheidsorginstellings, knap ouetehuise op, bied inligtingsessies en opleiding aan, maak skoon, versterk gemeenskapsveiligheid en vele meer.

Verskeie aksies is in George aangepak gedurende Mei om AfriForum se teenwoordigheid in die dorp op te skerp en saam met die gemeenskap hoop te skep. Aksies sluit ondermeer die volgende in; opknapping van Rosemoor-ouetehuis se ontspanningsvertrek, verskeie ondernemings is met middagete verras, lede van AfriForum se gemeenskapsveiligheidspan het veiligheidsoudits by skole in die dorp gedoen, skoonmaakaksies is in die omgewing gehou, teenboeliegesprekke is by skole aangebied, inligting stalletjie in Garden Route Mall sowel as die uitdeel van gratis items by verkeersligte in en om die dorp.

Al wat dit verg om ’n dorp beter te maak, is die uitvoer van een positiewe aksie op ’n slag. Wees jý die verskil wat jy in jou dorp wil sien!

Vir meer inligting oor AfriForum se #AnkerdorpPadskou, besoek gerus www.ankerdorp.co.za.