Voel jy jy moet net wegkom van die spreekwoordelike dolle gejaag en al die slegte nuus? Wel, jy kan baie slegter as die Portugese Asore-eilande doen. Ons het pas teruggekeer van ʼn heerlike week in Ponta Delgada op São Miguel, die grootste van die nege eilande. Die eilande waaruit die Asore-argipel bestaan, is meer as 1 400 km wes van Lissabon; dit is dus relatief toeganklik vir toeriste uit die VSA en Kanada. Dis nie so warm daar soos op die Spaanse Kanariese Eilande nie, maar dis minder gekommersialiseer en trek ʼn ander soort toeris, meestal dié wat hou van stap en walviskyk.