Die Demokratiese Alliansie (DA) het ’n belangrike saak in die Verkiesingshof gewen in die stryd vir meer stemlokale in die buiteland in 2024 se algemene verkiesing.

Die hof het bevestig dat Suid-Afrikaanse erekonsulate wel kwalifiseer as konsulate soos per artikel 33 (3) van die Verkiesingswet. Dit baan die weg vir die opening van meer oorsese stemlokale vir die 2024-verkiesing.

Dit is veral belangrik vir die duisende Suid-Afrikaners wat ver woon van Suid-Afrikaanse ambassades of konsulate, soos in die geval van Perth in Australië – nagenoeg 40 000 Suid-Afrikaners hoef nie meer na Canberra te reis om te stem nie.

Kiesers sal hul huidige verkiesingregistrasie moet skuif na een van die nuwe stemlokale deur voor 22 April 2024 die VEC 10-proses te volg.

Aanlyn VEC 10-kennisgewing en -aansoekvorm

Meer inligting sal binnekort volg oor nuwe stemlokale wat geopen is as gevolg van hierdie beslissing. Dit is belangrik dat Suid-Afrikaners in die buiteland op hoogte bly van die implikasies van hierdie groot verandering en die nodige proses volg om wel by ’n nuwe stemlokaal te gaan stem.

Hiermee die uitspraak.