Suid-Afrikaners wat steeds gestrand is in die buiteland en dringend moet terugkeer Suid-Afrika toe, kan nou aansoek doen om ‘n noodpaspoort.

Die minister van Binnelandse Sake, Aaron Motsoaledi sê Suid-Afrikaners in die buiteland wie se paspoorte verval het, kan aansoek doen vir ‘n tydelike, eenrigtingpaspoort ten einde na die land te kan terugkeer. Motsoaledi het tydens ‘n mediakonferensie in Pretoria meer besonderhede bekend gemaak oor reismaatreëls tydens Vlak 2 van die inperkings.

Motsoaledi sê paspoorte kan nie hernu word of vir ‘n verlengde periode geldig wees nie. Hy sê dié maatreëls oor paspoorte word nie deur die Departement bepaal nie, maar deur ‘n internasionale burgelike organisasie Iacao. Motsoaledi sê alle lidlande van dié organisasie volg die internasionale reëls oor die geldigheid van paspoorte. Bron: RSG Nuus

Dienste verskaf deur binnelandse sake op vlak 2:

• Mense nou aansoek doen vir permanente identiteitsdokumente, waar dié dokumente verval het.
• Aansoeke vir identiteitsdokumente word heropen vir diegene wat vir die eerste keer aansoek doen.
• Aansoeke vir die wysigings van besonderhede aan ID-dokumente word ook nou toegelaat.
• Mense wat foute op hul ID-dokumente het, kan ook nou aansoek doen om die foute te laat regstel.

Alle tydelike identiteitsdokumente wat gedurende die nasionale ramptoestand uitgereik is wat nog nie verval het nie, word verleng tot 31 Oktober. Nuwe aansoeke word egter nie gedurende vlak 2 toegelaat nie. Die departement se digitale portaal bly ook buite werking.