Van kleintyd af is ek nog altyd behep met twee dinge: musiek en reis. Ek is geweldig bevoorreg om van my twee grootste passies ’n werk te kan maak. Dus was dit vir my baie opwindend om weer gekies te word vir die “Kuier in Dubai”.

Dewald le Roux en sy span het geen moeite ontsien om ons kunstenaars en die gaste 100% gemaklik te laat voel nie. Dis ’n onvergeetlike ervaring om hierdie eeue oue kultuur in ’n ultramoderne stad te beleef.

Vir my is dit ’n geleentheid om my musiek buite die grense van my eie land op te voer, vir ’n onbekende gehoor wat nie noodwendig al my liedjies ken nie. Dis opwindend en ’n goeie uitdaging. Dis ook lekker om vir ons vriende in die buiteland weer bietjie ’n smakie van Suid-Afrika te gee.

Ek is so geseënd en dankbaar vir hierdie geleentheid, en ek glo dit sal beslis nie die laaste keer wees nie. – Dewald Wasserfall

Lees ook: Wêreldwyd kuier in Dubai