Wêreldwyd het onlangs op ons Facebook-blad ons vriende gevra wat is die een ding wat jy wens jy in jou tas kon pak toe jy geëmigreer het? Ons is oorlaai met boodskappe en die meeste mense was dit eens dat hulle hul familie en vriende sou wou saamvat, aangesien die verlange vreeslik erg is. Ons het verder ’n lys opgestel van die 13 ander dinge wat mense in hul tas sou wou pak en saamvat.

1. My hele familie. – Antoinette Briel
2. My versameling klassiekemusiekplate. In elke plaat was ’n herinnering opgesluit. – Dalene Russell
3. Berge – Tanya de Groot
4. My ma – Marelize Bott
5. Ek het te veel om op te noem. – Elizabeth Claudette
6. Tropika-sap – Angelique Scriven
7. Die reuk van die grond ná die reën en die doringboom op die vlakte. – Tilly van Enter
8. Pleisters wat die pyn en hartseer van emigrasie kan toeplak. – Joany Brink
9. Donderweer. Dit gebeur amper nooit hier in Nieu-Seeland nie. – Anet Dafel
10. Soet pynappels, mango’s en geelperskes. – Karien van Greunen
11. My huisdokter en tandarts. – Karien van Greunen
12. My hond wat ons vele keer beskerm het. – Gwen Waller
13. Afrikaans – Sanet Engelbrecht