Ons het onlangs vir ons vriende in die buiteland gevra wat was die vreemdste om aan gewoond te raak in die buiteland. Ons het vreeslik baie antwoorde gekry. Hier is die toptien- vreemdste dinge om aan gewoond te raak in die buiteland volgens ons AfriForum Wêreldwyd-vriende.

Goeie kwaliteit meubels wat uitgesit word op die straat, vir ander mense om te neem.

1. In Griekeland was ek geskok oor hoe mense bo-oor mekaar praat, mekaar in die rede val en verskriklik hard en aanhoudend praat.
2. Om jou eie petrol in te gooi was definitief vir my die vreemdste om aan gewoond te raak.
3. Om 110 km per uur te ry op ’n snelweg, my voet is nog steeds gewoond aan 120 km per uur.
4. Die absolute stilte op ’n Sabbatdag in Israel.
5. Goeie kwaliteit meubels wat uitgesit word op die straat, vir ander mense om te neem.
6. Baie reguit mense en soms ongeduldige, knorrige mense.
7. Jou lisensie kan weggevat word in Duitsland as jy besope op jou fiets gevang word.
8. Kouevleisslaai en suuraartappelslaai.
9. Die stiptelikheid van die treine, moltreine en busse in England.
10. In Australië stap meeste mense by wie jy kuier, nie saam met jou kar toe nie. Hul sien jou af by die deur, die eerste keer het baie vreemd gevoel. Party van ons lekkerste geselsies gebeur mos maar by die kar net voor jy ry.

Woon jy in die buiteland? Wat was vir jou die vreemdste dinge om aan gewoond te raak toe jy geëmigreer het?

LEES OOK: Nuwe land, selfde jy: Oorwin só die kultuurskok