Deur Jolene Harley

Jolene Harley, haar man Quentin en hulle dogter Ilke woon in Erlangen in Bavaria, Duitsland. Hulle gesin het Dresden besoek. Jolene skryf:

Dresden is ’n belangrike kulturele sentrum van historiese geheue as gevolg van die stad se vernietiging in die Tweede Wêreldoorlog.

Op 13 Februarie 1945 was Dresden grootliks in puin gelê, platgeslaan, maar die mens is veerkragtig en staan op. Die stad word grootliks herstel maar in ’n Sosialistiese styl. Wonderbaarlik met behulp van privaat skenkings en baie fondsinsamelings word Dresden sedert 1990 herbou in die oorspronklike Barok-styl om ons te herinner aan die tragiese gebeure van 13 Februarie, maar dat daar ook weer herstel kan plaasvind en hoop is. Die trauma van hierdie gebeure bly egter tasbaar in Dresden en daar is meer as net fisiese herstelwerk nodig. Herbou na ’n tragedie is meer as net geld vind en argitekplanne. Daar moet deur die trauma gewerk word.

Frauenkirche Dresten toe.

En nou…

Het jy al ’n historiese woonbuurt soos Dresden besoek? Deel jou foto’s en verhaal met ons en stuur vir ons ’n e-pos na wereldwyd@afriforum.co.za.