Dié week se kollig val op ’n onderneming in die bak- en spysenieringsbedryf. Belinda’s Kitchen bring eg Suid-Afrikaanse gebak na Leicester, Engeland.

Belinda’s Kitchen is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.

Lees meer oor Belinda’s Kitchen:

Gebak met liefde

My liefde vir bak het al op ’n baie jong ouderdom begin. Vir so lank as wat ek kan onthou, was die kombuis vir my die opwindendste (en lekkerste) plek om te wees. Ek het altyd vir vriende en familie gebak en hulle het my aangemoedig om my eie onderneming te begin. Daar is niks soeter as om mense gelukkig te maak met my heerlike gebakte lekkernye nie.

Dink jy jou onderneming verdien tyd in die kollig? Vat vandag nog ’n kans en word deel van ons AfriForum Wêreldwyd-netwerk. Netwerke is nie net ondernemings nie; dit is ook ’n waardevolle wyse waarop jy ’n ondersteuningsbasis kan uitbou vir daardie dae wanneer die verlange na Afrikanergasvryheid te veel raak.

Kontak Belinda’s Kitchen

Klik hier om Belinda’s Kitchen se webtuiste te besoek.

Klik hier om Belinda’s Kitchen op AfriForum Wêreldwyd se Wêreldgids te besoek.