Dit is nie net Suid-Afrikaners wat hulle Suid-Afrikaanse bates moet bestuur nie; Suid-Afrikaners wat in die buiteland woon moet ook hulle Suid-Afrikaanse bates behoorlik bestuur. Dit is eintlik nodig dat ʼn mens ʼn testament in elke land moet hê waar jy bates besit, sodat die testament bates in daardie land dek.

Dit is omdat lande verskillende wette het wat nalatenskap reguleer. Dit is ook aan te beveel dat persone met bates in byvoorbeeld Rusland of Frankryk, ʼn testament in daardie land se taal laat opstel.

My advies is om Suid-Afrikaanse testamente eerder in Engels op te stel. Jy kan dit ook in Afrikaans opstel, maar laat dit liewer vertaal omdat nie almal in die Meester se kantoor Afrikaans behoorlik magtig is nie. Daar was al te veel “misverstande” in die Meester se kantoor by testamente wat in Afrikaans opgestel is.

Ek stel verder voor dat jy in jou testament spesifiseer of jy begrawe of veras wil word, omdat dit dikwels ʼn probleem word na jou dood.

Maak duidelik aan wie jy jou bates nalaat indien die vernaamste begunstigde(s) voor jou te sterwe sou kom (of saam met jou sou afsterf).

Die Meester sal ʼn Suid-Afrikaner, wat in Suid-Afrika woon, met ervaring van boedelbereddering aanstel om as eksekuteur op te tree.

Skakel gerus met Fanus Jonck [fanus@jonck.net] vir advies oor testamente, nalatenskappe en belastingvrae.