Hiermee die nuutste Wêreldwyd Kollig. Die nuusbrief bevat inligting oor allerlei interessante sake, maar ook noodsaaklike kwessies vir Suid-Afrikaanse burgers in die buiteland. Stuur hierdie nuusbrief gerus aan. Enigiemand kan gratis daarop inteken.

Hier is die gewildste artikels:

Lughawens is storiefabrieke

“Laaste stap op Stilbaai se strand”. Op pad na die lughawe dink ek weer aan die foto wat jy op Instagram geplaas het, van ons twee op die strand. Ek wil vir jou iets oor die foto sê, maar daar is ’n knop in my keel en die trane sit vlak, so ek sluk my woorde en kyk eerder anderpad. Ek weet mos nou al sedert jy geland het dat jy weer sal moet teruggaan. Na jóú wêreld toe.

Die kaalvoet- Afrika-kind kom kuier uit Letland

Die kaartjies was bespreek, die sneeupakkies gekoop en die opgewondenheid het oorgeloop in die Vermeulen-huisgesin.

Die Vermeulens sou in Switserland gaan ski het, ’n sprokieswit Kersfees in die sneeu gevier het en dan ’n week by die Letland-wonende lid van díe gesin gaan kuier het (dis nou ek).

Finansiële kontrolelys vir teruggekeerdes

Woon en werk jy in die buiteland? Beplan jy om terug te keer na Suid-Afrika? Jy sal voor verskeie veranderinge te staan kom wanneer jy jou weer in Suid-Afrika vestig.

Ons wil graag advies en voorstelle deel om ons ekspats te help.