Ons woon baie naby aan Hampton Court-paleis in Londen, die afgelope week het ons die BBC se Good Food’s Festive Feast van 8 tot 10 Desember bygewoon. Ons het ons kersvoorrade aangevul met bederfies wat deur vaklui geskep is – en net betyds vir Kersfees! Wonderlike geskenke vir kosliefhebeers! Ons het die vermaak geniet, asook met kersliedjies en feestelike klassieke musiek deur plaaslike kore saamgesing. Ons is geïnspireer deur die kookdemonstrasies in die Feeskombuis. Ons het ons ook vergaap aan die Tudor-akteurs by dié historiese paleis en die oggenddiens in die kerkie bygewoon, asook ’n orreluitvoering deur Richard Hills. Hoewel die weer Vrydag nog sonnige, dog koud was, het dit Sondag begin sneeu.

“All their life in this world and all their adventures in Narnia had only been the cover and the title page: now at last they were beginning Chapter One of the Great Story which no one on earth has read: which goes on forever: in which every chapter is better than the one before.” CS Lewis

Foto’s: Ronel van Zyl

Hampton Court-paleis is een van die koninklike paleise in Londen wat teen die Teemsrivier lê. Kardinaal Wolsey, een van koning Henry VIII se gunstelinge (hoewel hy later van hoogverraad aangekla is), het dié paleis in 1515 begin bou. Ná Wolsey se val het die koning die paleis vir homself gevat en later vergroot. Hampton Court en die St. James-paleis is die enigste twee paleise van Hendrik VIII wat nog bestaan. Koning George II was die laaste monarg wat die paleis bewoon het.

Lees Ronel se blog by https://ronelvanzyl.blogspot.co.uk