Picasso het gesê: “Good artists copy; great artists steal.”

Dit beteken eenvoudig dat jy dalk nie eerste met ’n idee of konsep vorendag gekom het nie, maar dat jy ’n bestaande idee wat reeds werk kan verbeter of aanpas. Jy is met ander woorde nie besig om bloot na te boots nie; jy maak die idee jou eie.

Ek is altyd stomgeslaan daaroor dat lande nie meer proaktief na mekaar se tegnologie of idees (“best practices”) kyk nie. En nóg belangriker: dat besighede nie meer proaktief na mekaar se tegnologie of idees kyk nie.

Daar is vele niekompeterende besighede wat wêreldklas prosesse of konsepte gebruik van wie jy kan leer ten einde jou eie situasie te verbeter. Bestudeer jy die beste van die bestes? Daar is geen rede om die wiel te herontwerp nie.

Lekker naweek en onthou: ’n Aanhouer wen!

ONTHOU!

Klik Hier om na my jongste onderhoud met Christine Geldart te luister. Sy is die eienaar van Marven Equipment, ’n dinamiese familiebesigheid wat as die “Kings of Customization” bekend staan.