Indien jy in die buiteland woon en hard aan die knop in jou keel moet sluk wanneer jy terugdink aan aande in die Bosveld met potjiekos wat op die vuur prut, dan is Wêreldwyd se Wêreldgids net wat jy nodig het. Die Wêreldgids sal die verlange huis toe so ’n klein bietjie ligter maak; dis nou nie ’n kampvuur in die Bosveld nie, maar is darem naby genoeg. Elke week kies Wêreldwyd ’n onderneming uit die gids om in die Kollig te verskyn. Hierdie week se onderneming in die Kollig is Amanzi Restaurant in Falmouth in die Verenigde Koninkryk.

Amanzi is ’n onafhanklike, informele restaurant wat daarin glo om vars, seisoenale en plaaslike produkte van Cornwall aan te koop en geregte met Suid-Afrikaanse invloede op te tower. Die atmosfeer mag dalk ontspanne wees, maar die diens is opgewek en vriendelik. Amanzi bied ’n groot verskeidenheid geregte om almal se smaak te pas.

Amanzi se spyskaart pronk met allerlei disse wat Suid-Afrikaners se hartsnare sal roer en die monde sal laat water. Vergeet van ’n driegangmaaltyd en maak dit sommer ’n vyfgang! Skop jou kuier by Amanzi af met heerlike skemerkelkies en geniet sommer ’n voor-voorgereg van biltong, droëwors of Dukkah; daarna kan jy smul aan heerlike boerewors met sadzaskyfies vir voorgereg en dan na bobotie beweeg vir hoofgereg (of ’n plat bord seekos). Sluit die aand af met koeksisters, malvapoeding of melktert (of sommer al drie) vir nagereg.

Adres: 38 Arwenack St, Falmouth TR11 3JF, UK

Besoek Amanzi Restaurant se profiel op die Wêreldgids hier

Besoek Amanzi Restaurant se webtuiste hier

Lys jou besigheid op die Wêreldgids hier