Een van AfriForum Wêreldwyd se nuttigste hulpmiddels is die Wêreldgids. Hierdie gids bevat meer as 40 kategorieë van ondernemings en diensverskaffers reg oor die wêreld. Of jy nou ’n Afrikaanssprekende tandarts in Australië soek, of ’n tutor in Europa, die Wêreldgids bied ’n eenvoudige manier om betroubare kontakte te vind.

Die Wêreldgids is ’n uitgebreide aanlyn gids wat jou verbind met diensverskaffers, ondernemings en selfs gemeenskapsorganisasies in jou nuwe tuiste. Van loodgieters en haarkappers tot onderwysers en kultuurbyeenkomste – hierdie gids help jou om in jou moedertaal dienste van gehalte te vind, maak nie saak waar jy woon nie.

Onder die meer as 40 kategorieë kan jy met gemak die regte diensverskaffer vind. Hierdie week val die kollig op Braai Wolf in die Verenigde Koninkryk – ’n trotse bydraer tot die Wêreldgids.

Lees meer oor Braai Wolf

Enigiemand wat ’n outentieke braai in Engeland bygewoon het, kan bevestig dat dit deurdrenk is van tradisie en nie net nóg ’n maaltyd of gebeurtenis is nie. Dit is ’n ervaring waaraan mens kan smul.  

Indien jy in die buiteland woon en hard aan die knop in jou keel moet sluk wanneer jy terugdink aan aande in die Bosveld met potjiekos wat op die vuur prut, is AfriForum Wêreldwyd se Wêreldgids nét wat jy nodig het. Die Wêreldgids sal die verlange huis toe so ’n klein bietjie ligter maak; dis nou nie ’n kampvuur in die Bosveld nie, maar is darem naby genoeg.

Registreer jou onderneming op die Wêreldgids en vertel ons van jou netwerk – ons hoor graag van jou by wereldwyd@afriforum.co.za. Laat weet ons gerus van jou gunsteling- plaaslike onderneming of jou ervarings in die buiteland.

Kontak Braai Wolf

Klik hier om Braai Wolf se webtuiste te besoek.

Klik hier om Braai Wolf op AfriForum Wêreldwyd se Wêreldgids te besoek.

Lees ook: Onderneming in die kollig: Impala Crafts