Bring & Braai-spyseniers bied ’n unieke, mobiele braaidiens (BBQ) vir enige geleentheid by enige plek van jou keuse.

’n Braai is ’n alledaagse, tradisionele belewenis vir Suid-Afrikaners. In Suid-Afrika is ’n “bring en braai” ’n sosiale byeenkoms met vriende om ’n spesiale geleentheid te vier. Die gasheer steek die vuur aan en dan kuier almal om die vuur terwyl daar gebraai word, braaitang in die een hand en ’n yskoue bier in die ander.

Albei die meesterbreins agter Bring & Braai het in Suid-Afrika grootgeword, Rodney in Kloof net buite Durban en Mark in Port Elizabeth. Hulle is lekkerbekke wat baie gebraai het en toe besluit het om die ervaring met die VK te deel. Hulle het in 2009 begin en het reeds spyseniering gedoen vir talle privaat partytjies (verjaarsdae, troues en liefdadigheidsbyeenkomste) by huise en venues in en om Londen en die omliggende graafskappe, asook vir topmaatskappye in Brittanje.

Bring & Braai gebruik tradisionele metodes. Hulle braai oor ’n oop vuur en gebruik ’n mengsel van ordentlike hardehout wat uit Afrika ingevoer is om die verskillende soorte vleis te rook en die geur daarvan te verbeter. Die unieke styl en kookkuns het van Bring & Braai ’n wegholsukses gemaak, en hulle is onlangs as een van die Top 5 Afrika-spyseniers in Londen aangewys.

Bring & Braai se idee is eenvoudig:

• Hulle het ’n spyskaart vir elke smaak, begroting en geleentheid. Moenie oor die kinders bekommer nie – as hulle onder 10 is, eet hulle teen halfprys.
• Hulle daag op, maak reg en berei ’n braaifees vir jou en jou familie en vriende.
• Wanneer almal versadig is en jy heeltemal tevrede is, maak hulle skoon, pak op en val in die pad.

Bring & Braai gebruik altyd die beste gehalte vars vleis wat plaaslik beskikbaar is en lewer ’n goeie, vriendelike diens. Wees gerus oor voedselhigiëne, gesondheid, veiligheid en versekering. Hulle het al die nodige sertifikate en sal dit met graagte ter enige tyd per e-pos vir jou aanstuur.