Hierdie week se kollig is op KuierKos in Nederland. KuierKos is gratis op Wêreldwyd se Wêreldgids gelys. AfriForum Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Op dié manier raak hulle deel van hierdie wonderlike netwerkgeleentheid.

Lees meer oor KuierKos

By KuierKos verstaan ons die uitdagings om na ’n nuwe land te trek vir ’n avontuur, soos ons meer as 15 jaar gelede gedoen het. Ons weet dit kan moeilik wees om aan ’n nuwe lewenswyse gewoond te raak, maar ons glo dat bekende dinge dit makliker kan maak. Dit is hoekom ons ’n reeks produkte, smake en gevoelens bied wat jou aan die huis herinner.

Ons is, as ’n Suid-Afrikaanse kos-en-wynwinkel, trots daarop om geregte te bedien wat ons kultuur en geskiedenis weerspieël. Ek en ons medestigter, Andreas, het albei ’n passie vir kos wat reeds op ’n vroeë ouderdom begin het. Ek het in Suid-Afrika grootgeword en het my kinderjare saam met my ma en ouma in die kombuis deurgebring en geleer dat kos mense bymekaarbring ongeag die geleentheid. Ons bied tradisionele geregte sowel as nuwe resepte wat ons geskep het om ons liefde vir Suid-Afrikaanse kookkuns met jou te deel. 

As jy op soek is na ’n smaak van die huis of ’n nuwe avontuur in kos, kom besoek ons by KuierKos. Ons is hier om jou oorgang na Europa ’n bietjie makliker en baie lekkerder te maak!

– Marnella en Andreas

Op AfriForum Wêreldwyd se Wêreldgids word jy nie net deel van ’n sakenetwerk nie, maar dit is ook ’n waardevolle manier om ’n ondersteuningsbasis te bou vir daardie dae wanneer die verlange te veel raak en almal net te ver weg is.

Help jou onderneming om te groei, gebruik hierdie skakel en maak seker jou onderneming word gelys op Wêreldwyd se Wêreldgids.

Ons wil graag hoor waar jy koop, met wie jy praat en hoe jou netwerk in die buiteland lyk. Laat weet ons by wereldwyd@afriforum.co.za.

Kontak KuierKos

Klik hier om KuierKos se webtuiste te besoek.

Klik hier vir KuierKos op AfriForum Wêreldwyd se Wêreldgids.

Lees ook: Onderneming in die Kollig: Diamond Tree Jewellery Studio