Om in ’n nuwe land aan te pas is ’n uitdaging, gelukkig is Wêreldwyd hier om jou te help. Word deel van ’n netwerk van Suid-Afrikaners in die buiteland. Netwerke is nie net vir ondernemings nie; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na droëwors, melktert en die Afrika-son net te veel raak.

Wêreldwyd se Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Die Wêreldgids beskik tans oor meer as ’n duisend ondernemings, van biltongwinkels in Australië tot Afrikaanse prokureurs in Kanada.

Jy kan jou onderneming gratis op Wêreldwyd se interaktiewe gids lys. Op die manier kry jy die nodige blootstelling om deel te word van ’n wonderlike netwerkgeleentheid!

Hierdie week se onderneming in die Kollig is Lowfeld Soul Food in die VSA.

Lowfeld Soul Food is ’n klein onderneming met ’n passie om goeie Suid-Afrikaanse tradisionele verwerkte en vars produkte te vervaardig. Hulle glo die feit dat dit ’n klein onderneming is, verseker goeie kwaliteit.

Mike en Gerbri Myburgh kom onderskeidelik van Nelspruit en Wellington af. Kos is hul passie.

Ons maak al sedert ons jongdae kos vir familiebyeenkomste en werkspartytjies en het uiteindelik, ná ’n baie lang tyd, besluit om dít ons lewe te maak. Ons wou die kos waarmee ons grootgeword het – en wat ons vir 14 jaar vir onsself gemaak het – met ons vriende en nuwe bure deel.

Ons het ’n liefde vir Suid-Afrikaanse kos, veral biltong, droëwors en boerewors. Ons het ’n paar van ons persoonlike gunstelinge bygevoeg en daar is nog baie op pad.

Ons woon tans net noord van Charleston SC in ’n klein dorpie met die naam Awendaw SC. Charleston is al vir die laaste 14 jaar ons tuiste en dit is ook waar ons fabriek geleë is. Ons het groot planne om ons besigheid uit te brei en aan Suid-Afrikaners hul gunsteling vleislekkernye te verskaf.

Kontak Lowfeld Soul Food
E-pos: sales@lowfeld-soul-food.com
Klik  hier om Lowfeld Soul Food se Facebook-blad te besoek.
Klik hier vir Lowfeld Soul Food op Wêreldwyd se Wêreldgids.