Die wynboer Mathew Castle het ’n lang loopbaan as wingerdbouer in die Stellenbosch-wynomgewing agtergelaat om sy droom na te jaag – die vestiging van sy eie wynhandelsmerk in Denemarke. Hy is nou op ’n plaas in Humlebæk waar hy wyn van uitstekende gehalte invoer vanaf ’n paar uitgesoekte wynplase in Stellenbosch wat Mathew naby aan die hart lê.
Mat’s Vineyard is gratis op Wêreldwyd se Wêreldgids gelys. Dié gids stel ander Afrikaners in staat om Suid-Afrikaanse ondernemings in die buiteland te ondersteun.
Die Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Tans beskik die Wêreldgids oor meer as 1 000 ondernemings, van Afrikaanse dokters in Nieu-Seeland tot biltongwinkels in Londen.
Netwerke is meer as net ondernemings; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.
Deel op
@luza
