Wêreldwyd se Wêreldgids het ’n suksesvolle netwerk geskep om Suid-Afrikaners in die buiteland met mekaar in aanraking te bring sodat jy Suid-Afrikaanse ondernemings in jou omgewing kan ondersteun. Wêreldwyd kies elke week een onderneming uit die Wêreldgids om in die Kollig te verskyn. Vandeesweek se onderneming in die kollig is Maxie Vermeulen Heppell Artist.

Ons raak soms so vasgevang in die deurmekaar detail van ons lewens dat ons die pragtige samestelling van tyd en doel miskyk. Eers as ons ’n entjie wegstaan kan die afstand ons visie verhelder sodat ons die waarde van ’n klein begin regtig waardeer, hoe wanordelik dit ook al lyk.

Dit word ook weerspieël in my kuns wat die waarnemer toelaat om oor ’n afstand vanuit hulle gesigshoek skoonheid en volmaaktheid te vind, terwyl dit hulle terselfdertyd nader trek met die oënskynlik lukrake samestelling van nietighede. Dit daag hulle uit om waarheid te ontdek deur weg te staan van die wanorde van nietighede af.

As ’n opkomende kunstenaar ondersoek ek nog die grense van my vermoë en word dus nie afgeskrik deur moontlike mislukking nie. Vandag se mislukking word môre se inspirasie.

• Afdrukke beskikbaar
• Prys beskikbaar op aanvraag

Kontak Maxie Vermeulen Heppell Artist

Telefoon: +44 7951 999235

E-pos: maxieheppell@yahoo.com

Klik hier om Maxie Vermeulen Heppell Artist op Facebook te besoek.

Klik hier om Maxie Vermeulen Heppell Artist in Wêreldwyd se Wêreldgids te vind.