The Hive at Little Eeden – Café and Venue bied Australiese gasvryheid met ’n plattelandse atmosfeer! Bring die kinders en die honde saam.

The Hive at Little Eeden – Café and Venue is ongeveer 70 km buite Perth in Mooliabeenee. Hier kan jy wakker word met die geluide van die bos en plaasdiere. Jy kan elke oggend ontwaak met die klank van hane wat kraai. Diereliefhebbers kan ’n eenstop-kampervaring hier kom geniet – jonk en oud.  

Hier is pragtige natuurskoon in die omgewing en die kamparea is omring met dennebome en plat grasareas. Die kampterrein is geskik vir kampeerders wat selfversorgend is, met beperkte toegang tot ’n stort en toilette.

Little Eeden is ’n werkende plaas met plaasdiere en The Hive Café and Venue op die perseel!

Mense kan gratis heuning proe en ons heuningprodukte is hier te koop.

Ons bedien ligte etes en drankies. The Hive is ’n unieke plaasvenue vir klein intieme troues en funksies. Gaste kan binne sit (in ons café-area) of buite (tussen die dennebome of lowerryke grasperke). Ons maak gebruik van plaaslike produkte en kan die funksie volgens jou voorkeur aanbied. The Hive is ’n troeteldiervriendelike venue. Honde aan ’n leiband word toegelaat in die buitenste gedeelte van ons café.   

The Hive at Little Eeden – Café and Venue is gratis op AfriForum Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun.

Die Wêreldgids is waar Suid-Afrikaanse ondernemings van regoor die wêreld bymekaarkom om ’n gemeenskap te vorm. Tans beskik die Wêreldgids oor meer as 1 000 ondernemings, van Afrikaanse dokters in Nieu-Seeland tot biltongwinkels in Londen.

Netwerke is meer as net ondernemings; dit is ook ’n waardevolle wyse om ’n ondersteuningsbasis te bou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.

Kontak The Hive at Little Eeden – Café and Venue

Klik hier om The Hive at Little Eeden – Café & Venue se Facebook-blad te besoek.
Klik hier vir The Hive at Little Eeden – Café & Venue op AfriForum Wêreldwyd se Wêreldgids.