Wêreldwyd se Wêreldgids is hier om dit vir jou makliker te maak om in ‘n nuwe land aan te pas. Waar kan jy al jou Suid-Afrikaanse gunstelinge koop, kerkdienste in Afrikaans bywoon of Afrikaans met jou dokter gesels? Al die antwoorde is op die Wêreldgids: Kom maak dus ’n draai. Elke week kies die Wêreldwyd-span een van hierdie ondernemings om in die Kollig te verskyn. Hierdie week se onderneming is Touch of Africa, ’n bed-en-ontbyt-gastehuis in Australië.

Skop jou skoene uit en ontspan by Touch of Africa, ’n lieflike eenslaapkamergastehuis in die suidwestelike deel van Wes-Australië. Jy sal sommer dadelik tuis voel hier! Touch of Africa is loopafstand van die strand en sowat 15 minute se ry van verskeie besienswaardighede, restaurante, wynplase en ander strande. As jy ver van die huis af is, beteken dit nie dat jy nie moet tuis voel nie – en by Touch of Africa sal dit maklik vir jou kan voel asof jy by die huis is met gehaltegasvryheid soos jy dit ken!

Het jy ’n gastehuis of Airbnb in die buiteland? Lys jou gastehuis gratis op die Wêreldgids.

Besoek Touch of Africa se profiel op die Wêreldgids hier.