Deur Alize Scholtz

’n Visum word deur ’n land toegestaan aan ’n buitelander wat hulle toelaat om sy grondgebied binne te gaan, binne te bly of te verlaat. Die woord ‘visa’ is afgelei van Latyns charta visa, wat vertaal kon word as “geverifieerde papier” of meer letterlik, “’n papier wat gesien is.”

Die heel eerste keer wat daar verwys was na iets wat soos ’n visum beskou kon word, is in die Bybelboek Nehemia. Dit speel af ongeveer 450 v.C. en ’n profeet vra vir koning Artasasta vir briewe wat hy aan goewerneurs in Wes-Eufraat kan wys, sodat hulle hom vrye deurgang kan gee tot in Juda. Hierdie briewe het as ons moderne visum gedien. Met ’n stukkie papier wat geverifieer is, kon hierdie profeet ’n veilige deurgang na ’n ander land kry wat andersins nie moontlik sou wees nie.

Voor die Eerste Wêreldoorlog was ’n visum nie nodig om jou land se grens te oorskry nie. Dit was moontlik om byna enige plek in die wêreld te reis sonder amptelike dokumente en papierwerk. Baie vrese het egter ná die oorlogstyd daartoe gelei dat wette ingestel is wat paspoorte en ander papierwerk vereis wat ’n persoon se burgerskap en sy of haar reg om na die buiteland te reis bevestig. Tot op daardie tydstip was paspoorte en visums gewoonlik dieselfde tipe reisdokumente. In die moderne wêreld het visums afsonderlike sekondêre reisdokumente geword, met paspoorte wat as die primêre reisdokumente optree.

As al hierdie administrasie en papierwerk vir jou na inspanning en moeite klink, is dit omdat jy reg is. Daar is baie goeie redes hoekom party lande die vloei van besoekers moet kontroleer om immigrasie of ander kriminele aktiwiteite te voorkom. Gelukkig is daar meer as 100 lande wat visumbeleide en -ooreenkomste met Suid-Afrika in plek het. Dit laat ons burgers toe om vrylik tussen hierdie lande te reis sonder dat ’n visum nodig is. Hierdie ooreenkomste tussen nasies sluit natuurlik vir ons baie voordele in:

Wanneer jy sonder ’n visum toegang tot ’n land het, hoef jy nie lang visum-aansoekvorms in te vul om toegang te verkry nie. Wuif totsiens vir al daardie bykomende dokumentasie, soos ondersteuningsbriewe van vriende en werkgewers, afskrifte van bankstate en meer. Jy kan ook die ekstra koste spaar. Hetsy jy reis vir plig of plesier, die aansoek om ’n standaardvisum kos geld. As jy sonder ’n visum kan reis, hoef jy nie hierdie bykomende koste te betaal vir elke persoon saam met wie jy reis nie. Om visumvry te reis kan jou dae of weke se vooruitbeplanning spaar. Jy het dus nie nodig om so ver vooruit te beplan nie en dit laat jou toe om reg oor die wêreld op die ingewing van die oomblik te gaan. So, pak jou tas met gemak, jou volgende reis begin hiér.

Suid-Afrikaanse paspoorthouers kan sonder ’n visum na meer as 100 lande en gebiede reis. Neem egter kennis dat jy steeds ’n geldige paspoort moet hê al kan jy visumvry na hierdie lande gaan.

Afrika

Amerikas

Asië

Europa

Karibiese Eilande

Midde-Ooste

Oseanië

** Lande kan deur Suid-Afrikaners besoek word sonder om ’n visum vooraf te bekom. ’n Visum sal egter met jou aankoms by die lughawe toegestaan word. Dit word deur die besoekende land uitgereik aan buitelandse burgers wat ’n visum benodig om die land binne te gaan, maar vereis nie dat hulle voor die reis aansoek hoef te doen nie.

Foto: Gary Lopater/ Unsplash