Kan buitelandse burgers aansoek doen vir ʼn slim ID-kaart?

Permanente verblyfpermithouers (buitelandse burgers wat meer as 5 jaar op ’n tydelike permit in Suid-Afrika woon en nou permanente verblyf verkry het) kwalifiseer nie vir ’n nuwe slim ID-kaart nie. Daar sal wel in ’n latere stadium vir hulle geleentheid gee word om aansoek te doen. Dieselfde geld ook vir geneutraliseerde burgers (nie ’n burger by geboorte nie, maar het Suid-Afrikaanse burgerskap verkry).

Ek wil met my kind na die buiteland reis, moet hy ʼn volledige geboortesertifikaat hê?

Indien jou kind jonger as 15 jaar is, moet jy steeds sy geboortesertifikate byderhand hou as julle saam reis.

Kan ek aanlyn aansoek doen vir my kind se paspoort?

Gelukkig kan jy nou ook aanlyn aansoek doen vir jou kind se paspoort en is dit nie meer nodig om ure in ’n ry by Binnelandse Sake te gaan staan nie! Al wat jy nodig het om te begin, is internettoegang, jou ID en toegang tot jou internetbankdienste. Gebruik dié skakel om seker te maak wat dit jou uit die sak gaan jaag voor jy begin: http://www.dha.gov.za/index.php/fees.

Kry hier nog raad:
Besoek Wêreldwyd se webtuiste by www.wereldwyd.co.za. Jy kan ook inteken op die Kollig-nuusbrief en só op hoogte van migrasiesake bly.

Stuur voorstelle en versoeke na wereldwyd@afriforum.co.za.