AfriForum Wêreldwyd se Wêreldgids spog met 40 kategorieë van ondernemings en diensverskaffers regoor die wêreld. Die Wêreldgids stel jou in staat om ’n sterk ondersteuningsnetwerk te bou deur jou te verbind met ’n ekspat-gemeenskap in jou omgewing.

Hierdie maand fokus ons op die Feeste en byeenkomste-kategorie: ondernemings wat dit moontlik maak vir Suid-Afrikaners om saam te kuier, hul kultuur te vier en nuwe herinneringe te skep. Of dit nou ’n potjiekosfees in Kanada is, ’n braai in Europa, of ’n konsert in Australië – hierdie ondernemings bring ’n stukkie Suid-Afrika na jou toe, waar ook al jy jouself mag bevind.

South African Events

South African Events reël optredes vir (Suid)-Afrikaanse kunstenaars in Australië, Nieu-Seeland, Kanada, die VSA, die Verenigde Koninkryk en Europa. Ons ondersteun ook gemeenskapsbyeenkomste met ’n Suid-Afrikaanse gevoel. South African Events is toegewyd om geleenthede te skep waar ons mense in die buiteland kan bymekaarkom, deel kan bly van hulle kultuur en nuwe herinneringe kan skep. Lees meer.

Bravo Braai

Ons streef daarna om die beste moontlike diens en ervaring aan ons kliënte te bied, deur hoëgehalteprodukte en uitstaande kliëntediens te lewer wat geanker is in eerlike en deursigtige waardes. Lees meer.

South African Braai & Potjie Fest
Wat kan nou lekkerder wees as om jou Suid-Afrikaanse erfenis te vier met twee van ons gunstelingtydverdrywe, braai en potjie? … En dit is natuurlik ’n gesinsvriendelike geleentheid. Dink aan saam kuier met mede-Saffas, nuwe vriende en al die pret wat jy sal hê terwyl jy terselfdertyd ’n netwerk skep. Daar gaan wonderlike Suid-Afrikaanse kos, goedere en musiek wees, om maar net ’n paar te noem. Lees meer.

South African Market SK

Die GROOTSTE jaarlikse Suid-Afrikaanse fees in Kanada, reg hier op die grasvlaktes van Saskatchewan!

Jy word uitgenooi om ons gedeelde kultuur, kos, musiek en samesyn saam met ons te vier! Lees meer.

South African Events USA

Ons reël en adverteer feeste en optredes vir Suid-Afrikaanse kunstenaars in die VSA.

Ons bied ’n verskeidenheid dienste wat die beplanning, promosie en produksie van geleenthede insluit. Ons werk nou saam met plaaslike Suid-Afrikaanse ondernemings en kunstenaars om ’n outentieke ervaring te skep. Lees meer.

Op AfriForum Wêreldwyd se Wêreldgids word jy nie net deel van ’n sakenetwerk nie, maar dit is ook ’n waardevolle manier om ’n ondersteuningsbasis op te bou vir daardie dae wanneer die verlange te veel raak en almal net te ver weg is.

Help jou onderneming om te groei, gebruik hierdie skakel en maak seker jou onderneming word gelys op Wêreldwyd se Wêreldgids. Dit is van onskatbare waarde om deel van ’n gemeenskap oor landgrense heen te wees!

Het jy dalk jou eie onderneming in die feeste- en byeenkomste-sektor in die buiteland? Laat weet ons by wereldwyd@afriforum.co.za. 

 Foto deur Anthony DELANOIX op Unsplash.