Hierdie week plaas ons die kollig op ondernemings wat op die Wêreldgids gelys is en in huisverbeterings spesialiseer. Of jy nou klein aanpassings wil maak of groot opknappings beplan, ons lys bied ’n verskeidenheid betroubare diensverskaffers regoor die wêreld wat jou kan help om jou huis in ’n droomhuis te omskep. Van loodgietersdienste tot verfwerk en strukturele veranderinge, die Wêreldgids is jou eenstopbron vir alles wat jy nodig het om jou huis te verbeter.

FloTech Plumbing (Nieu-Seeland)

Ons verstaan dat loodgieterkwessies stresvol en ontwrigtend kan wees in jou daaglikse lewe, en daarom is ons verbind tot die lewering van vinnige, betroubare en bekostigbare oplossings. Of jy roetineherstelwerk of ’n noodloodgieterdiens nodig het, ons is altyd gereed om te help. Lees meer.

Cape Reed International (Dubai)

In ’n wêreld waar ’n volhoubare lewenswyse noodsaakliker is as ooit tevore, is Cape Reed International ’n baken van innovasie en toewyding. Hierdie gerekende maatskappy ontwerp, verskaf en bou hoëgehalte-, volhoubare geboue regoor die wêreld, en het ’n passie om ekovriendelike strukture te skep. Lees meer.

Global Electrical (Nieu-Seeland)

Ons is gekwalifiseerde meester-elektrisiëns met 19 jaar werkervaring oor die wêreld heen, en ons is trots om te kan sê ons bied aan ons kliënte die beste diens teen die beste prys. Ons tree op met onwrikbare eerlikheid en integriteit, wat ons onderskei van ander maatskappye. Lees meer.

Declutter With Kiah (Australië)

Is jy moeg daarvoor om jou kaste oop te maak en oorweldig te voel deur die warboel? Maak jy dit eerder vinnig weer toe en wens daar was ’n oplossing? Wel, jy hoef nie so te lewe nie. Verbeel jou hoe dit sal voel as jy jou spens of kas oopmaak en ’n sug van verligting kan slaak omdat jy uiteindelik alles kan opspoor waarna jy op soek is. Lees meer.

Hotspot Welding Limited (Nieu-Seeland)

Ons is ’n span professionele kundiges wat daartoe verbind is om topgehalte dienste te lewer, wat sweiswerk op die terrein, vervaardiging van strukturele staal en algemene strukture insluit. Ons ervare sweisers en fabrikante gebruik die nuutste tegnologie en tegnieke om te verseker dat elke projek wat ons aanpak aan die hoogste veiligheid-, gehalte- en duursaamheidstandaarde voldoen. Lees meer.

Wayne’s Roofing (Nieu-Seeland)

Ek is Wayne, jou plaaslike dakspesialis met 15 jaar ondervinding in enige soort dakonderhoud en -herstelwerk. Ek waarborg my vakmanskap en gebruik die beste gehalte produkte vir die Nieu-Seelandse weerstoestande. Ons spoor lekplekke op en maak dit reg, installeer nuwe PVC-geute, en doen dakherstelwerk, spuitverfwerk, “water blasting” en mosbehandeling. Lees meer.

Adri’s Electrical (Australië)

Adri’s Electrical (lisensienommer 88662) is ’n geregistreerde elektriese kontrakteur wat alle soorte tuis- elektriese dienste soos installasies en instandhoudingswerk lewer, in en rondom die Redlands en suid-oos van Brisbane. Lees meer.

Wire Guys Services (Nieu-Seeland)

Wire Guys is ’n elektriese onderneming in privaat besit. Die eienaar, Johan, het meer as 20 jaar ondervinding in die elektriese bedryf, asook uitgebreide kennis en kundigheid. Ons is gebaseer in Hamilton en bied elektriese dienste en produkte in die hele Waikato-distrik. Lees meer.

Lees ook: Wêreldgids in fokus: Bemarking en kommunikasie

Huisverbeterings hoef nie ’n stresvolle ervaring te wees nie – met die regte hulp is dit moontlik om jou visie vir jou huis te verwesenlik. Gaan besoek die Wêreldgids en vind professionele diensverskaffers wat jou in Afrikaans kan bystaan, maak nie saak waar jy woon nie. Jou droomhuis is net ’n paar stappe weg, met die ondersteuning van die betroubare ondernemings wat op ons platform gelys is.

Foto: Getty Images/ Unsplash