Die Solidariteit Beweging het vandag omvattende planne bekendgemaak om die koronavirus (COVID-19) te bestry. Die Beweging het ook ’n aanbod aan die regering gemaak om saam te werk om die verspreiding van dié virus te beperk en die impak van die drastiese maatreëls te versag.

Een van AfriForum se vernaamste fokusse om lede in dié tyd te help, is die beskerming van sakeondernemings. Wêreldwyd, ’n inisiatief van AfriForum, bied reeds die afgelope agt jaar ’n aanlyn tuiste vir Suid-Afrikaners wat hulself in die buiteland gevestig het, en wil graag ’n rol speel in die aksieplan #OnsKoronaplan.

Hulp met opsporing

AfriForum Veiligheid het reeds aangebied om die nasionale rampbestuursentrum met opsporing te ondersteun. As mense in die buiteland sukkel om familie of vriende in Suid-Afrika te kontak en bekommerd is dat hulle dalk siek is, sal Wêreldwyd deur AfriForum se takke navraag kan doen.

Ekonomiese aktiwiteit

Volledige planne om die ekonomie steeds te laat funksioneer.

Kleinsakeondernemings kan ook in die buiteland dieselfde diens van Wêreldwyd geniet. Ons moedig daarom graag Suid-Afrikaanse ekspats aan om ondernemings van ander Suid-Afrikaners in hul omgewing te ondersteun.

Ons verwelkom terugvoer van ondernemingseienaars en wil graag weet watter planne julle maak om dié tyd finansieel te oorleef. Wêreldwyd wil graag ook ander Suid-Afrikaners aanmoedig om te laat weet van ondernemings of diensverskaffers in jul omgewing om die Wêreldgids uit te bou. Word deel die Wêreldwyd-familie en lys jou onderneming gratis op ons aanlyn Wêreldgids.

Jy kan Suid-Afrikaanse ondernemings, restaurante, produkte en dienste in die buiteland met ’n paar klikke op die enig-in-sy-soort Wêreldgids opspoor. Die gids poog om mense wat besig is om in die buiteland aan te pas, te help om ander Suid-Afrikaners te ontmoet en terselfdertyd hul ondernemings te ondersteun.

Ons wil weet waar jy koop, met wie jy praat en hoe jou netwerk in die buiteland lyk.

Lys jou onderneming hier, of stuur ’n e-pos na wereldwyd@afriforum.co.za.