Onderneming in die Kollig: Nobleman Sparrow Productions

02/08/2023

| Deur AfriForum Wêreldwyd

347265283_240308758620945_999392428355513603_n

Dié week se kollig val op ’n onderneming in die fotografiebedryf. Nobleman Sparrow Productions lewer fotografiese en filmdienste in die Verenigde Koninkryk en op eie bodem in Suid-Afrika.

Nobleman Sparrow Productions is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.

Lees meer oor Nobleman Sparrow Productions

In Augustus 2021 het ons besluit om dit te waag om ons eie handelsmerk bekend te stel. Christopher het al ’n geruime tyd vir ander wonderlike handelsmerke geskiet en sou sy eie handelsmerk in 2020 loods … Toe tref Covid en gevolglik kansellasie op kansellasie.

Uiteindelik is @noblemansparrow gebore, en wat ’n wipwarit was dit nie. Ons het sedertdien ons dienste na die Verenigde Koninkryk uitgebrei. Maar moenie kwel nie, ons neem steeds besprekings in Suid-Afrika! Ons het ’n vaardige en ervare span wat namens ons in Suid-Afrika skiet wanneer ons nie ons nie self daar kan wees nie, maar ons swaai steeds ons towerstaffie met die redigering.

Een van ons gunstelinge om te skiet is die oomblikke tussen een plek en die volgende wanneer die paartjie dink die kamera is af. Maar ons is altyd gereed!

My ervaring sluit die volgende in:

Vier jaar se ervaring van die skiet van troues, funksies, korporatiewe en leefstylgeleenthede
Meer as 100 troues
Nege duisend uur se videoredigering
Ervaring met professionele Canon-, Fuji- en Sony-toerusting

Videografie is my passie, maar ek is ewe gemaklik met fotografie.

Dink jy jou onderneming verdien tyd in die kollig? Vat vandag nog ’n kans en word deel van ons AfriForum Wêreldwyd-netwerk. Netwerke is nie net ondernemings nie; dit is ook ’n waardevolle wyse waarop jy ’n ondersteuningsbasis kan uitbou vir daardie dae wanneer die Afrikanergasvryheid te veel raak.