Onderneming in die Kollig: Sterling Finance

07/08/2023

| Deur AfriForum Wêreldwyd

Dié week se kollig val op ’n onderneming in die finansiële bedryf. Sterling Finance bied voertuigfinansieringsdienste in Nieu-Seeland. Sterling Finance was ook een van die borge van die Afrikaans is Lekker 2023-konsert in Nieu-Seeland.

Sterling Finance is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.

Lees meer oor Sterling Finance

Sterling Finance is ’n onafhanklike onderneming wat spesialiseer in voertuigfinansieringspakkette wat by jou behoeftes pas. Ons bied voertuigfinansiering aan nuwe immigrante wat pas in Nieu-Seeland aangekom het.

Ons bied vinnige, maklike en mededingende voertuigfinansiering en werk hard sodat jy met die minste moontlike moeite ’n voertuig kan koop. Ons stel ’n finansieringspakket saam wat by jou begroting en jou leefstyl pas en waarmee jy gemaklik is.

By Sterling Finance is ons verbind tot verantwoordelike lenings. Wat ook al jou huidige situasie is, ons is hier om jou te help om ’n ingeligte besluit te neem. Dis ons prioriteit om jou te help om die regte voertuigfinansieringspakket te vind. Ons wil verseker dat dit in jou begroting pas en voldoen aan ons finansiële verskaffers se uitleenvereistes. Of jy nou vir jouself werk of ’n nege-tot-vyf-werk het, ons verstaan jou omstandighede en wil jou graag help.

Dink jy jou onderneming verdien tyd in die kollig? Gryp vandag nog die geleentheid aan en word deel van ons AfriForum Wêreldwyd-netwerk. Netwerke is nie net ondernemings nie; dit is ook ’n waardevolle wyse waarop jy ’n ondersteuningsbasis kan uitbou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikaner-gasvryheid te veel raak.