Deur Alana Bailey

Ons vier Afrikaanse Taaldag elke jaar op 14 Augustus. Hier is twintig maniere waarop jy Afrikaans kan vier in die buiteland.

1. Praat suiwer Afrikaans.
2. Lees ’n Afrikaanse boek, tydskrif of artikel (sien Forum Tydskrif en Teken in op die Kollig Nuusbrief ).
3. Plaas ’n gunsteling- Afrikaanse aanhaling op jou profiel.
4. Ondersoek die programme van Afrikaanse organisasies.
5. Koop ’n Afrikaanse boek (sien AfriForum Uitgewers).
6. Geniet Afrikaanse inhoud op die aanlyn platform, AfriForumTV.
7. Koop of speel ’n Afrikaanse bordspeletjie.
8. Probeer aan sinonieme dink vir Afrikaanse woorde wat jy baie gebruik, soos “lekker” en “mooi”.
9. Ondersteun ondernemings wat in Afrikaans dienste en produkte lewer. ( sien Wêreldgids )
10. Skryf ’n brief of e-pos in Afrikaans vir iemand met wie jy lanklaas gesels het.
11. Gee jou huis, meenthuis, woonstel of kamer ’n Afrikaanse naam.
12. Teken iemand besonders in op ’n Afrikaanse tydskrif.
13. Word ’n burger van Maroelafontein (sien Welkom by Maroela-fontein! ).
14. Koop, maak of dra ’n T-hemp met ’n treffende Afrikaanse sêding op.
15. Laai ’n Afrikaanse speltoetser af, of as jy reeds het, werk dit by en maak seker dit werk goed.
16. Gee ’n Afrikaanse kinderboek vir ’n kind present, of lees vir ’n kind ’n Afrikaanse storie.
17. Beproef ’n Afrikaanse resep. As jy nie ’n Afrikaanse resepteboek het nie, soek een op die internet.
18. Skryf ’n Afrikaanse gediggie vir iemand wat jy lief het.
19. Maak ’n speellys van jou 20 gunsteling- Afrikaanse liedjies.
20. Kyk ’n Afrikaanse fliek.

Lees ook: Laat jou taal leef – selfs al is jy in die buiteland