Ek is gek oor die sneeu wat dié week in ons dorpie en by Hampton Court-paleis geval het. Dit was ekstra spesiaal om my gunstelingpaleis toe onder die sneeu te sien. Ek was meegevoer!

“Die eerste sneeuvlaag is nie net ’n gebeurtenis nie, dis ’n towergebeurtenis. Jy gaan bed toe in een wêreld en word wakker in ’n gans ander, en as dit nie betowering is nie, waar sal mens dit dan kry?” J.B. Priestley

Fotografie: Ronel van Zyl

Hampton Court-paleis is een van die koninklike paleise in Londen wat teen die Teemsrivier lê. Kardinaal Wolsey, een van koning Henry VIII se gunstelinge (hoewel hy later van hoogverraad aangekla is), het dié paleis in 1515 begin bou. Ná Wolsey se val het die koning die paleis vir homself gevat en later vergroot. Hampton Court en die St. James-paleis is die enigste twee paleise van Hendrik VIII wat nog bestaan. Koning George II was die laaste monarg wat die paleis bewoon het.

Lees Ronel se blog by https://ronelvanzyl.blogspot.co.uk