Blouwyn is ‘n romantiese komedie-drama wat afspeel aan die Weskus met die  sonderlinge dorpie, Philadelphia, as die agtergrond. Sonja Poerstamper is ‘n aktrise wat sukkel om gevoelens te vertolk na haar egskeiding en voel gedruk deur haar huislike omstandighede  om net weg te breek. Sy besluit om vir ‘n kort tydjie haar tweeling suster se rol oor te neem as die pastoor in ‘n klein dorpie.  Haar pa, Anthonie, ook ‘n predikant, sukkel om sy vrou se mastektomie  te verwerk en sy gebrek aan kommunikasie  verwyder almal net verder van mekaar. Wanneer die lewens van 6 mense in die dorpie deel van haar verhaal word en haar verlede kom klop, word sy gekonfronteer met haar opgestelde idees van liefde, intimiteit en die “Tot die dood ons skei” sindroom.

Die rolverdeling is ‘n geskikte mengelmoes van nuwe gesigte en gesoute akteurs. Liza Du Toit maak haar rolprent debuut in die romantiesekomedie-drama en beweeg gemaklik deur die emosies wat benogig word om die storie te dra. Renier Weideman is bekend vir sy rol in “Gebore talente” en bring die chemiese samestelling wat benodig word om Sonja en Lukas se verhouding geloofwaardig te maak .  Met Albert Maritz (Modder en Bloed) as die verkrampte prediker wat sukkel om sy vrou se stryd teen borskanker te verwerk, teenoor die komediese oomblikke van Charles de Bougenon (Vuil wasgoed) bly die gehoor verbind met ‘n eerlike vertolking van gewone mense. Euwelia Louw tree op die silwerskerm in met ‘n kragtige en natuurlike vertolking van ‘n verliefde weskus nooi opsoek na geluk en vrede. Blouwyn bring weer vars talent na die plaaslike film arenas toe.

Klik hier vir lokprent
IMDB https://www.imdb.com/title/tt12616512/
Facebook: https://www.facebook.com/Blouwynrolprent/
BLOUWYN LIED  https://youtu.be/IzyWXOQp_Ds