AfriForum Wêreldwyd wil Kersfees vanjaar onvergeetlik maak. Kersfees is om die draai en ons wil soos die vorige jare by jou hoor hoe dit gevier word in die land waar jy jouself bevind.

• Is daar interessante Kersgewoontes en -tradisies?
• Geniet jy steeds ’n tradisionele Suid-Afrikaanse feesmaal of probeer jy nuwe disse? Dalk is daar besondere disse eie aan die land waar jy woon. Stuur asseblief daardie resepte!
• Woon jy in ’n land waar daar min Christene is en waar jy self moet planne maak om die dag te vier?
• Is daar die mooiste Kersliggies in jou buurt of ’n nuwe Kersfeesgier wat kop uitsteek in jou land?
• Hou jy by die ou tradisionele vieringe of vier jy Kersfees op nuwe maniere?

Vertel ook sommer jou staaltjies van vorige Kersvieringe. Foto’s is natuurlik ook welkom! Ons reis graag saam hierdie Kerstyd.