Kolganse kom redelik algemeen oral in Afrika voor en uitheemse bevolkings is selfs in Europa, Groot-Brittanje, die VSA en Nieu-Seeland gevestig. Veral gedurende die broeiseisoen kan hulle nogal boosaardig word, wat hulle nie geliefd by die ondersteuners van gholfbane maak nie. Hulle eet sade, blare, grasse, plantstingels, insekte en ongewerwelde waterdiertjies soos hier gesien kan word. Wyfies is glo meer raserig as mannetjies … ons lewer eerder geen kommentaar nie. Hulle paar lewenslank en albei voëls maak beurte om op hul eiers te broei.

Geniet die roep van die visarend in die agtergrond!

Wat is jou gunsteling klank wat jou aan Afrika herinner?

Die beeldmateriaal is andermaal deur Katie en André van Two-V Productions voorsien. Hartlik dank aan hulle hiervoor! Teken asseblief in op hulle YouTube-kanaal en volg hulle Facebookblad. Boeke in hulle Op Vlerke-reeks kan van Kraal Uitgewers bestel word en is eersdaags ook weer in die winkels in ruskampe van die Nasionale Krugerwildtuin beskikbaar. Dit sluit die  vierde boek in die reeks wat pas verskyn het, in.