’n Seekoei wei by die brug oor die Olifantsrivier in die Nasionale Krugerwildtuin.

Seekoeie is die tweede grootste landdiere op aarde naas olifante. Bulle kan tot 3 200 kilogram weeg. Die meeste van die tyd wei hulle snags en hulle kan tot 35 kilogram plantmateriaal in ’n enkele aand verorber!

Hulle vel is nogal gevoelig en soms lyk dit of hulle letterlik bloed sweet, maar moenie bekommer nie, die olierige rooi vloeistof wat hulle afskei is hulle natuurlike beskermingsmiddel teen uitdroging en die son.

Hulle kan tot 40 jaar in die natuur en 50 jaar in aanhouding oud word.

Die beeldmateriaal is andermaal deur Katie en André van Two-V Productions voorsien. Hartlik dank aan hulle hiervoor! Teken asseblief in op hulle YouTube-kanaal en volg hulle Facebookblad. Boeke in hulle Op Vlerke-reeks kan van Kraal Uitgewers bestel word. Die vierde boek in die reeks is nou beskikbaar!