Deel nog ’n unieke ervaring in die Krugerwildtuin met Two-V Productions se André en Kate.

‘n Reusereier (Ardea goliath) het pas ’n lekker groot vis gevang, toe hy die skok van sy lewe kry en sy vangs verloor … Letterlik elke veer op sy kop en nek het regop gestaan! Kyk ook na die reaksies van die kolgans (Alopochen aegyptiacus) en die grootlangtoon (Actophilornis africanus) in die agtergrond.

Moet egter nie reusereiers onderskat nie. Hulle is indrukwekkende jagters wat selfs klein diertjies soos molle en grondeekhorings moeiteloos dood en verorber.

Al die geluide wat julle in hierdie en André en Kate se ander video’s hoor, is die oorspronklike klanke. Teken gerus in op hulle YouTube-kanaal, Two-V Productions en gaan hou van hulle Facebookblad. Boeke in hulle Op Vlerke-reeks kan van Kraal Uitgewers bestel word. Dit is ook by die winkels in ruskampe van die Krugerwildtuin te vinde. Let wel dat die boeke slegs in Afrikaans beskikbaar is.