Min mense is bewus daarvan dat Rietvlei Natuurreservaat in Pretoria die grootste buitestedelike natuurreservaat in die wêreld is wat met wilde diere binne stadsgrense geleë is. Dit is ongeveer 4 000 hektaar (40 km2) groot. Die soogdierspesies wat jy hier kan sien, sluit renosters, buffels, leeus, seekoeie, jagluiperds, swartwildebeeste, sebras, elande, blesbokke, rooihartbeeste, springbokke, rietbokke, waterbokke, oribi’s, duikers, otters, jakkalse en vele meer in! Meer as 400 voëlspesies en 530 plantspesies is al in die reservaat geïdentifiseer. Dit het ook ’n groep vriende en hulle webwerf bevat inligting oor die soorte amfibieë en reptiele wat ook al gesien is.
Die reservaat bestaan uit oop grasveld en golwende heuwels. Dit het ’n tipiese Hoëveldse klimaat met droë, koue winters en ’n gemiddeld van 724 mm reën in die somer. Temperature wissel tussen ’n ysige -2°C in die winter en ’n snikhete 34°C in die somer. Aktiwiteite sluit perdry, hengel, kampeer, pieknieks en nagtoere in, onderhewig aan beskikbaarheid en COVID-19-inperkings.
Die Rietvlei Nature Reserve Facebook-groep publiseer daagliks wonderlike foto’s. Dit bied aan leunstoelreisigers die geleentheid om te deel in die skoonheid wat hierdie unieke reservaat aanbied.
Deel op
