Trouvoete is ‘n romantiese komedie deur bekroonde regisseur Darryll Roodt, wat bekend is vir flieks soos Yesterday en Sarafina. Die fliek gaan oor ‘n mediese dokter, Louis van Est, wat baie weet van die menslike liggaam, maar effe minder kennis dra van hoe die hart werk as dit by romanse kom. Saans na werk ontsnap hy op die internet van sy saai bestaan, en dis hier waar hy iemand ontmoet wat hom met haar aanlyn-persona, “Natgrassterrekyker”, inspireer en uitdaag.

Terselfdetyd ontmoet kykers vir Ella Gouws, ‘n ongekompliseerde vrou wat een maal te veel seergekry het, en nou haar hart probeer bewaar deur niemand na aan haar toe te laat nie. Dis nou buiten die geheimsinnige man met wie sy op die internet gesels, en met wie sy haar gedagtes en drome deel.

Bouwer Bosch en Erica Wessels speel die hoofrolle, en ander bekendes wat gesig wys is Lika Berning, Lizz Meiring, Marlee van der Merwe, Paul du Toit, Richard van der Westhuizen, Rika Sennett en Stefan Ludik. As jy nog nie op Showmax ingeteken is nie, gee jouself sommer ‘n baie vroeë Kersgeskenk: toegang tot duisende ure se kwaliteit vermaak, van romantiese komedies soos Trouvoete tot dramas, reekse en sepies.