Onderneming in die Kollig: Elizabeth Jones Photography

21/06/2023

| Deur AfriForum Wêreldwyd

Dié week se kollig val op Elizabeth Jones Photography in Nieu-Seeland.

Elizabeth Jones Photography is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland te ondersteun wat ’n produk of diens in Afrikaans kan lewer.

Lees meer oor Elizabeth Jones Photography:

Ek is ’n kontemporêre lewenstylfotograaf geleë in die Wellington-area (NS) en neem sedert 2016 professionele foto’s in Nieu-Seeland en Australië. My dienste sluit in troues, gesinslewenstylsessies, geleenthede en visuele inhoud vir ondernemings se webtuistes en sosiale media.

Ek het altyd foto’s geneem en alles gedokumenteer. Ek het dit vir baie jare gedoen en toe rondom 2005 het ek besluit om fotografie te studeer en ’n stokperdjie in ’n beroep te verander. My fotografie het in só mate verbeter dat ek besluit het om in Elizabeth Jones Photography te begin.

Ek hou daarvan om natuurlike foto’s van mense te neem. Ek is mal oor dié oomblik in my foto’s. My sessies is natuurlik en gemaklik. Ek sal jou help om te ontspan en ongelooflike foto’s neem.

Dink jy jou onderneming verdien tyd in die kollig? Vat vandag nog ’n kans en word deel van ons AfriForum Wêreldwyd-netwerk. Netwerke is nie net ondernemings nie; dit is ook ’n waardevolle wyse waarop jy ’n ondersteuningsbasis kan uitbou vir daardie dae wanneer die verlange na ’n goeie Suid-Afrikaanse wyn, kuier om ’n braaivleisvuur en die onmisbare Afrikanergasvryheid te veel raak.