Wêreldwyd se Wêreldgids is so eg Suid-Afrikaans soos biltong en droëwors by ‘n rugbywedstryd. Die Wêreldgids is soos ‘n padkaart vir Suid-Afrikaners in die buiteland wat lei na al hul gunsteling lekkernye, professionele dienste in Afrikaans en ook Afrikaanse kerkdienste. Elke week kies Wêreldwyd een van die ondernemings op die gids om in die Kollig te verskyn. Hierdie week is dit The Biltong Shack in die Verenigde Koninkryk.
As jy in Suid-Afrika groot geword het dan sal jy weet dat biltong ‘n prominente rol in ons lewens speel. Van tandesny tot by familie-etes, sportsgeleenthede en peuselhappies by kroeë, hierdie geliefde lekkerny is deel van ons. Toe die eienaar van The Biltong Shack na die VK verhuis het, het hy gesukkel om kwaliteit biltong te kry wat nie net lekker is nie maar ook genoeg vleis het en hy besluit toe om eerder self sy biltong te begin maak. The Biltong Shack is toe gebore!
The Biltong Shack gebruik net die beste Britse beesvleis wat gekombineer word met natuurlike bestanddele en dan gelugdroog word om ‘n peuselhappie te skep wat hoog in proteiene is, vry is van allergieë, laag in suiker en koolhidrate is. Hulle hoë kwaliteit biltong word deur die natuur voorsien en deur The Biltong Shack gegeur.
Besoek The Biltong Shack se webblad hierBesoek The Biltong Shack se profiel op die Wêreldgids hierLys jou onderneming GRATIS hier
Deel op
