Weens my dubbelburgerskap as ’n Britse Suid-Afrikaner is ek lief daarvoor om Statebondsdag in Londen te vier. Ons was vandag buite Westminster-abdy saam met die pers, om waar te neem hoe al die afgevaardigdes vertrek.

Ter viering van die dag het Haar Majesteit Koningin Elizabeth II, hoof van die Statebond, vanmiddag ’n Statebondsdagdiens by Westminster-abdy bygewoon.

Die tema van die diens was “’n Verbonde Statebond”, wat lede van die Statebondgemeenskap bymekaargebring het met die 70ste herdenking van die moderne Statebond.

Ander lede van die koninklike familie insluitend die Prins van Wallis, die Hertogin van Cornwall, die Hertog van York, die Hertog en Hertogin van Cambridge en die Hertog en Hertogin van Sussex het die verrigtings bygewoon.

Kunstenaars Clean Bandit en Alfie Boe (Alfred Giovanni Roncalli Boe) het by die diens opgetree en vlagdraers het die vlae van al 53 lande in die Statebond gedra. #CommonwealthDay

Statebondsdag het hierdie jaar ’n spesiale betekenis, omdat 2019 die 70ste herdenking van die moderne Statebond aanstreep. Die Statebond verteenwoordig ’n wêreldnetwerk van 53 lande en byna 2,4 miljard mense – ’n derde van die wêreldbevolking – waarvan 60 persent onder die ouderdom van 30 is.

Suid-Afrika het die Statebond in 1931 betree (Statuut van Westminster; verlaat in 1961, herbetree in 1994).

Kyk die volledige diens hier:

Besoek Ronel van Zyl se blog hier.

Die eerste minister van die Verenigde Koninkryk, Theresa May (bo en onder)

1RSA (bo en onder) haal die Suid-Afrikaanse Hoë Kommissaris af ná die diens