AfriForumTV is uit die passie van ’n groepie kreatiewe filmmense ontwikkel. Die produksiespan van AfriForumTV skep nuwe stories en programme in Afrikaans. Hulle is passievol oor hul werk en beskou dit as kuns. Dit is verstommend hoe die produksiepan ’n konsep kan neem en ’n hele film of reeks daaruit kan skep terwyl hulle tydens die proses soos ’n familie word. Van vroeë, koue oggende waar die sonsopkoms die mooiste prentjie op film wys, tot waar die redigeerder hierdie beeldmateriaal ná die tyd verpak om ’n storie te lewer. Die span gee lewe aan ’n draaiboek.

Akteurs en aktrises vorm hulle karakters en die kostuumontwerpers en grimeer- en haarkunstenaars maak die karakter eg. Die kunsdepartement skep die ruimte vir elke toneel en elke tegniese rolspeler in die produksie maak seker dat hierdie verhaal ‘n hartklop het, terwyl die regisseur sy/haar visie van hierdie konsep na vore bring. Die vervaardigers bring alles bymekaar en maak seker dat alles volgens plan verloop van die begin tot die einde. Animeerders, wat ’n passie het vir hierdie vorm van visuele kuns, blaas lewe in getekende prentjies en karakters. Stemme en musiek word bygevoeg om ook ’n verhaal te vertel. Die filmbedryf is harde werk, maar dit is ongelooflik bevredigend om ’n suksesvolle eindproduk te lewer en veral as die produksiespan kan sien hoe die kykers die stories en programme geniet. Dit maak ALLES die moeite werd om hierdie werk passievol uit te leef.

AfriForumTV is gestig om ’n breë gemeenskap te bereik met visuele inhoud deur vermaak uit verskeie genres. AfriForumTV is nuut, modern en beloof om die kyker ’n genotvolle ervaring te bied.

AfriForumTV vorm deel van die kommunikasieafdeling by AfriForum. AfriForumTV is gratis vir lede en nie-lede en is aanlyn beskikbaar via alle Android-toestelle. Jy kan ook die toep aflaai en dit is ook beskikbaar vir alle Google Play-gesertifiseerde slim-TV’s.

Besoek www.afriforumtv.co.za. Vir enige navrae stuur ’n e-pos aan navrae@afriforumtv.co.za. Jy kan ook AfriForumTV op Facebook, Instagram, Twitter en TikTok vind, waar inligting oor ons programme gedeel word.

Sonder JOU is hierdie afdeling nie moontlik nie. Word deel van ons familie waar ons lewe blaas in geskrewe draaiboeke en idees.