Afrikaans is Lekker 2026: Kanada – ’n viering van musiek, taal en kultuur

Die gewilde Afrikaans is Lekker-konsertreeks keer in Julie 2026 terug na Kanada en beloof weereens om Afrikaanse musiek, taal en kultuur na gehore reg oor die land te bring. Hierdie toer bou voort op ’n sterk nalatenskap van uitverkoopte vertonings en betekenisvolle gemeenskapsbyeenkomste in Kanada, Australië, Nieu-Seeland en Europa.

Vir die 2026-toer sluit drie geliefde kunstenaars by die reeks aan: Kurt Darren, Elandré en Refentse.
Kurt Darren, bekend vir sy energieke verhoogpersoonlikheid en tydlose treffers soos Kaptein, bring ’n aansteeklike feesatmosfeer na elke vertoning. Elandré se kragtige stem en eerlike lirieke het hom gevestig as een van Afrikaans se mees herkenbare jong stemme, met liedjies soos “Vuur op die water” wat diep aanklank vind by gehore. Refentse, geliefd vir sy opregte aanslag en treffers soos “Reën”, voeg ’n warm, kontemporêre klank by wat emosie en storievertelling kombineer.

Soos met vorige Afrikaans is Lekker-toere is die fokus nie net op musiek nie, maar op gemeenskap. Die konsertreeks skep ’n ruimte waar mense hul taal kan hoor, saam kan sing en vir ’n aand weer ’n gevoel van samehorigheid kan beleef – ongeag hoe lank hulle reeds oorsee woon.

Volgens Sue-Ann de Wet, hoof van Diaspora by AfriForum, speel musiek ’n sleutelrol in verbondenheid:

“Afrikaans is Lekker bring gemeenskappe bymekaar in hul moedertaal. Dit is ’n kosbare geleentheid om kultuur en taal te vier, ongeag hoe ver mense van Suid-Afrika af is. Hierdie ervarings help om ons erfenis lewendig te hou en die hartklop van Afrikaans in die buiteland te versterk.”

Die toer word aangebied deur South African Events, met Arno Nel aan die stuur. Hy het al voorheen beklemtoon dat Afrikaans is Lekker veel meer is as ’n musiekaand – dit is ’n geleentheid vir samekoms, herinnering en die viering van taal en kultuur ver van die huis af.

Toerdatums: Afrikaans is Lekker 2026 – Kanada

Die konserte vind in Julie 2026 in die volgende stede plaas:

• 24 Julie 2026 – Toronto
• 25 Julie 2026 – Saskatoon
• 26 Julie 2026 – Edmonton
• 28 Julie 2026 – Kelowna

Moenie hierdie besondere geleentheid misloop nie. Koop jou kaartjies by www.southafricanevents.com. Vir meer inligting oor die toer, of ander relevante besonderhede, besoek South African Events se webtuiste of stuur ’n e-pos na events@southafricanevents.com.

Eksklusiewe AfriForum Wêreldwyd-voordeel: 10%-korting vir ondersteuners

AfriForum Wêreldwyd is trots om hierdie toer te ondersteun as deel van hul mandaat om gemeenskappe wêreldwyd deur kultuur en verbintenis bymekaar te bring. As ondersteuner ontvang jy 10%-korting op kaartjies vir die toer. Gebruik die promosiekode AfriForum wanneer jy bespreek.
Hierdie aanbod is beskikbaar vir ’n beperkte aantal kaartjies – bespreek dus vroeg.

Lees meer oor AfriForum Wêreldwyd se werk en diasporaprojekte by  http://www.wereldwyd.co.za/.

Hierdie toer bou voort op vorige suksesvolle Afrikaans is Lekker-toere regoor die wêreld en dien as ’n kragtige viering van Afrikaanse musiek en identiteit in diasporagemeenskappe. Teken ook in op AfriForum Wêreldwyd se Kollig-nuusbrief om op hoogte te bly van toekomstige byeenkomste en projekte in die buiteland.