Trooskos – wat ’n mooi en warm woord! Trooskos is nie net kos nie; dit is ʼn emosionele verbinding met herinneringe en kultuur. Dit is die geure en smake wat jou terugneem na jou kinderjare, na gesinsetes om die tafel of na die reuk van varsgebakte brood in jou ouma se kombuis. Vir Suid-Afrikaners wat oorsee bly, is trooskos dikwels ʼn tasbare manier om verlange na die bekende en geliefde te verlig.

Wanneer jy in die buiteland woon, kan die eenvoudige handeling om tradisionele disse soos melktert, bobotie, biltong, vetkoek of braaibroodjies te maak die verlange ligter maak. Hierdie geregte bied meer as net voeding – dit gee jou ʼn gevoel van verbondenheid en bring jou nader aan jou kulturele wortels.

Hoe trooskos verlange kan verlig

1. Verbintenis met herinneringe: Die voorbereiding van trooskos soos melktert of bobotie kan oomblikke uit jou kinderjare herroep – dieselfde smake en geure wat jy eens gedeel het met diegene wat jy liefhet. Hierdie geregte dien as ’n herinnering aan vreugdevolle oomblikke.  

2. Skep gemeenskapsbande: Deur trooskos met vriende, jou gesin of selfs nuwe kennisse oorsee te deel, kan jy die warmte van Suid-Afrikaanse gasvryheid versprei.
3. Kultuurerfenis leef voort: Die kook en deel van tradisionele Suid-Afrikaanse resepte hou jou kultuur en identiteit lewendig, selfs op ’n ander vasteland.
4. Troos in moeilike tye: Soms is die smaak van jou gunstelinggereg al wat nodig is om jou gemoed te lig en jou minder alleen te laat voel.

Maak dus tyd om jou geliefde Suid-Afrikaanse resepte weer lewe te gee, of dit nou is deur te bak, braai of prut. Of jy dit alleen geniet of dit met ander deel, trooskos het die vermoë om jou gemoed te lig en jou met jou wortels te verbind. Dit is ʼn kosbare troosmiddel om verlange ’n bietjie ligter te maak.

AfriForum Wêreldwyd se Wêreldgids

Om in ’n nuwe land aan te pas, is ’n uitdaging. Alles is anders en om uit te vind waar jy Suid-Afrikaanse produkte kan kry, raak amper ’n soort avontuur. AfriForum Wêreldwyd is hier om te help. Deur die Wêreldgids kan jy maklik toegang verkry tot Suid-Afrikaanse produkte soos biltong, beskuit en boerewors. Selfs restaurante waar jy Suid-Afrikaanse disse kan eet, is op die Wêreldgids gelys.

Die Wêreldgids bied ook ’n platform vir Suid-Afrikaners om hul ondernemings te bemark en te laat groei. Dit ondersteun die ekonomiese welstand van die Suid-Afrikaanse diaspora.

Indien jy in die buiteland woon en hard aan die knop in jou keel moet sluk wanneer jy terugdink aan aande in die Bosveld met potjiekos wat op die vuur prut, dan is Wêreldwyd se Wêreldgids net wat jy nodig het. Die Wêreldgids sal die verlange huis toe so ’n klein bietjie ligter maak; dis nou nie ’n kampvuur in die Bosveld nie, maar is darem naby genoeg.

Wat is jou trooskos? Dalk is dit tamatiebredie met rys, bobotie met geelrys en rosyne, vars gebakte plaasbrood met botter en konfyt of dalk Malvapoeding met vla.

Deel met ons daardie een gereg wat jou altyd beter laat voel.