Dié week val die kollig op Unyoke in Nederland.

Unyoke is gratis op Wêreldwyd se Wêreldgids gelys. Dié gids stel mense in staat om Suid-Afrikaanse ondernemings in die buiteland wat ’n produk of diens in Afrikaans kan lewer, te ondersteun.

Lees meer oor Unyoke.

Ek is Sharon, ’n professioneel gesertifiseerde meesterorganiseerder (‟Certified Master Professional Organizer®”). Ek is ’n Suid-Afrikaner wat in Nederland woon. Ek is as wetenskaplike opgelei en het sewe jaar in die analitiese en farmaseutiese bedryf gewerk. Toe ek ma word, het ek ’n rukkie afgevat om saam met my seuns by die huis te bly. In 2019 het ons na Nederland verhuis. Die ervaring om saam met my man en seuns na ’n nuwe land te trek, was uitdagend maar ook baie verrykend. In dié tyd het ek my passie vir die organisering en optimalisering van ruimtes ontdek. Ek glo ’n georganiseerde ruimte verhoog doeltreffendheid, fokus en produktiwiteit. Ek het Unyoke begin, want ek glo as jy jou omgewing beheer en organiseer, help dit jou om ontslae te raak van die frustrasie en vermorsing van tyd wat rommel en wanorde veroorsaak.

Dink jy jou onderneming verdien tyd in die kollig? Gryp vandag nog die geleentheid aan en word deel van ons AfriForum Wêreldwyd-netwerk. Netwerke is nie net ondernemings nie; dit is ook ’n waardevolle manier om jou ondersteuningstelsel uit te bou vir daardie dae wanneer die verlange na ’n goeie Suid-Afrikaanse wyn, ’n kuier om ’n braaivleisvuur en die onmisbare Afrikanergasvryheid te veel raak.

Kontak Unyoke

Klik hier om Unyoke se webtuiste te besoek.

Klik hier om Unyoke op AfriForum Wêreldwyd se Wêreldgids te besoek.