Wêreldwyd se Wêreldgids is so eg Afrikaans soos melktert en pannekoek by ‘n kerkbasaar. Op Wêreldgids kan Suid-Afrikaners in die buiteland uitvind waar hulle al hulle Suid-Afrikaanse gunstelinge kan kry. Die Wêreldgids bevat inligting van ondernemings in Suid-Afrikaanse besit in 54 lande regoor die wêreld! Daar is van Afrikaanse kerkdienste en dokters tot prokureurs en tutors. Hierdie maand fokus ons op ondernemings in Australië wat jy kan ondersteun.
Ostrich & the Egg is ‘n familiebeheerde Suid-Afrikaanse eetplek wat fokus op ikoniese straatkos en Kaaps-Maleise koeksister-oliebolle. Hulle “Suid-Afrikaanse kombuis en kroeg” bied ‘n gemaklike, informele eetervaring en Suid-Afrikaanse humor wat jou laat tuis voel.
Vingerbord bring vriende en familie bymekaar. Dit is ‘n speletjie wat sorg vir hope pret, en jonk en oud kan dit saam geniet. Pak jou vingerbord uit wanneer jou vriende kom kuier of as die reën jou binne vaskeer.
Laat Silky Oaks Chiropractic vir jou gesondheid sorg
Dr. Jan Jones het 17 jaar se ervaring as chiropraktisyn. Sy praktyk, Silky Oaks, is in Carindale geleë. Jou algehele welstand is dr. Jones se prioriteit. Hy bied ‘n volhoubare manier om van pyn ontslae te raak sodat jy jou lewe voluit kan geniet.
i-Style by Lynette maak jou tuiste mooi
“Skep die tuiste van jou drome.” i-Style help jou om ‘n kleurskema te kies, meubels uit te soek en jou huis of onderneming te herstileer.
Laat diens jou motor by Cartune Mechanics
Cartune Mechanics is ‘n familiebesigheid met ‘n ultramoderne meganiese werkswinkel in Joyner! Hulle verskaf ‘n wye reeks motorwerktuigkundige dienste.
Lys jou onderneming gratis op die Wêreldgids en word deel van die Wêreldwyd-familie.
Deel op
