Dit is ’n uitdaging om by ’n nuwe land aan te pas. Alles is anders, en om jou gunsteling- Suid-Afrikaanse produkte op te spoor, kan nogal moeilik wees. Gelukkig is Wêreldwyd hier om te help. Wêreldwyd se Wêreldgids is uniek. Hier maak jy kennis met Suid-Afrikaanse ondernemings van reg oor die wêreld wat ’n netwerk van Suid-Afrikaners in die buiteland skep. Hierdie week is Kotze Law se regspraktyk in Perth, Australië die onderneming in die kollig.

Kotze Law (voorheen Suffolk-Law) is ’n boetiek-regspraktyk in die skilderagtige voorstad Bicton in Perth, Wes-Australië. Ons bied advies van hoë gehalte en verteenwoordig ’n uiteenlopende verskeidenheid individue en korporatiewe kliënte. Ons span prokureurs spesialiseer in handelsreg, konstruksiereg, familiereg en immigrasiereg.

Ons is een van die min regspraktyke wat kliënte kan bystaan met die ingewikkelde wetlike vereistes vir sowel besigheidsmigrasie as beleggingsmigrasie na Australië. Ons spesialiseer in oplossings vir sakemense en beleggers wat na Australië wil migreer en bied ’n volledige diens wat die hele proses insluit.

Besoek Kotze Law se profiel op die Wêreldgids hier.

Die Wêreldgids wil mense wat besig is om in die buiteland aan te pas help om ander Suid-Afrikaners te ontmoet en terselfdertyd hulle ondernemings te ondersteun. Die interaktiewe gids maak dit vir Suid-Afrikaners in die buiteland moontlik om hul ondernemings gratis in die Wêreldgids te laat opneem.