Wêreldwyd se Wêreldgids is so eg Suid-Afrikaans soos biltong, braaivleis en rugby op ‘n Saterdagmiddag. Hier het ons ‘n mengelmoes van Suid-Afrikaanse ondernemings in die buiteland wat verskeie dienste verskaf. Daar is kerke wat dienste in Afrikaans aanbied, Suid-Afrikaanse rekenmeesters, dokters, prokureurs en natuurlik ook talle winkels wat verseker dat jy nie te veel na jou Suid-Afrikaanse gunstelinge soos biltong en melktert verlang nie. Soos hierdie week se onderneming in die Kollig, Carnivore Meat Company in Franklin, Tennessee.

Carnivore Meat Company is die waarwording van ‘n droom vir man en vrou-span SJ en Virginia Botha. Hulle het reeds in Suid-Afrika ‘n barbeque restaurant gehad wat gefokus het om die geure en tradisionele barbeque styl van Virginia se tuisland, die VSA, na Suid-Afrika te bring. Nadat hulle terug verhuis het na die VSA ‘n paar jaar later, het hulle besluit om steeds te hou by vleis maar om biltong wat eg is aan SJ se vaderland, Suid-Afrika, as hulle spesialiteit te verkoop.

Carnivore Meat Company bied hoë kwaliteit vars vleisprodukte, tuisgemaakte wors, jerky en natuurlik hul groot trekpleister, biltong wat voorberei word volgens Suid-Afrika se tradisionele resepte en drogings metodes.

Hulle is bedrywig op hul sosiale media platforms, op Facebook deel hulle veral hul spesiale aanbiedinge en snaakse memes oor biltong – hulle Instagram is nou weer propvol foto’s van al hul produkte wat hulle bied. Carnivore Meat Company lewer ook van hul produkte af om dit vir jou nog makliker te maak om biltong te kry!

Besoek Carnivore Meat Company se webtuiste hier

Besoek Carnivore Meat Company se Facebook-blad hier

Besoek Carnivore Meat Company se profiel op die Wêreldgids hier

Lys jou onderneming hier