Wêreldwyd se Wêreldgids is waar jy eg Suid-Afrikaanse inkopies in jou omgewing kan doen. Biltong, Ouma-beskuit, blatjang, hulp met finansiering, immigrasie, Suid-Afrikaanse prokureurs, restaurante en nog vele meer word op Wêreldwyd se Wêreldgids van Suid-Afrikaanse besighede gevind.
Hier is vyf oulike ondernemings vir die maand:
Bikenam Vietnam Motorbike Tours
Bikenam is Viëtnam se voorste motorfietstoermaatskappy. Ons bied motorfiets toere aan wat ons gaste na elke hoekie van Viëtnam neem. Dis die beste manier om Viëtnam te sien en die wonderlike mense van Viëtnam te ontmoet.
Neat Places is ʼn Nieu-Seelandse gids tot al die groot en uitspattige, klein en afgesonderde, woelige dorpsgunsteling-uithangplekke. Van splinternuwe kafeetjies tot stowwerige liefdadigheidswinkels – ons draai alles toe in een netjiese pakkie net vir jou.
Dink jy heimlik terug aan Suid-Afrika, verlangend na Suid-Afrikaanse musiek? Dan is jy op die regte plek. Ons spesialiseer in eg Suid-Afrikaanse produkte en veral in die invoer van Suid-Afrikaanse albums en DVD’s sodat jy nooit te ver van die huis af voel nie. Ons verkoop ook Suid-Afrikaanse klerereekse en binnehuisversierings. Dan bring ons wraggies nog die pakkie tot by jou voordeur!
Die Spens is geleë langs die A1 in Amersfoort, maklik bereikbaar van oral in Nederland, België en Duitsland. Kom loer in en kyk na al die Suid-Afrikaanse bekendes en gunstelinge soos Mrs Balls se Blatjang, Sparletta Creme Soda, Simba Nik Naks, Ouma Beskuit, Koo Soetmielies, Iwisa Mieliemeel en Robertsons-speserye – om maar net ʼn paar te noem.
‘Lekker Stuff’ is jou eenstopradioprogram vir alles Suid-Afrikaans in Afrikaans. Kom kuier elke Woensdag van 18:00 af saam met Karisma op Waikato se 89.0 Free FM. Maak nie saak waar in die wêreld jy is nie – jy kan saamkuier by www.freefm.org.nz.
Verken die gids hier of lys jou eie onderneming gratis. Ondersteun jou landgenote en netwerk met ander Suid-Afrikaners in jou omgewing!
Deel op
